الناس اللي جربت برامج محادثة كتير واللي اهلهم في السعوديه واللي تعبوا من حوارات ال vpn والهري ده
اي موبايل اندرويد مربوط بحساب وايميل قوقل واي حد عنده حساب في جوجل يعني تلقائيا هو متفعل تقريبا عنده كل خدمات جوجل زي photo و gmail و google plus و youtube و drive والاهم من ده كله hangout
الhangout هو برنامج محادثه من جوجل بس برنامج مظلوم شويه لان مالهوش اي نوع من الدعايا واي نعم هو مفيهوش تطوير زي بقيه برامج المحادثات التانية بس بيأدي غرضه بكفاءة عالية سواء شات او مكالمات صوتية او فيديو
وكمان من مميزاته انك تقدر توصله من اي مكان سواء موبايلك الاندرويد او الكمبيوتر افتح ال browser بتاعك من الكمبيوتر واكتب في شريط العنوان hangout ودوس Enter هتلاقيه جايبلك الموقع دوس عليه هتلاقيه دخلك على صفحه بيسالك فيها انك تحط ايميل ال gmail بتاعك او لو انت مدخله قبل مده يبقى هايدخل على طول
من الموبايل هتلاقي عندك مجلد اسمه google او بالعربي خدمات جوجل
افتح المجلد هتلاقي اللوجو بتاعه لونه اخضر زي اللي في الصوره اللي تحت دي
افتح البرنامج وجربه وقولي ايه رأيك واتأكد انك ضايف الطرف التاني اللي عايز تكلمه عن كريق ايميله ويكون الهانج اوت شغال عنده
عن نفسي من ساعه ماتقفل الماسنجر في السعوديه واللاين بيعلق في مصر وانا بستخدم البرنامج ده وشغال زي الفل من غير vpn ولا اي برامج تانيه
المهم الكلام ده لينا لوحدينا اوعوا تنشروه برا لحسن يتعرف ويقفلوه علينا
وده رابط البرنامج ل مالقتوش عندك
ليست هناك تعليقات :
إرسال تعليق